Randau mansai randau nubai

Tinggal ka ba sungai

Randau paku randau nubu

Tinggal ka ba pun paku pun tubu

Bejalai bertungkat ka adat

Tinduk berpanggal ka pengingat

Betupi enggau mereti

Becheremin mata ka ulah ti menyana

Begulai enggau ati ti tuchi

Bekerja enggau ati ti basa

Karam di tasik ulih ditimba

tang karam di ati udu pemerinsa

anak ngambuh ngayah ka arang

arang ambis besi lalu enda pijar

pantuk belalang ulih tipang

tang pantuk jaku enda nemu badu

baka gali anang enda bepanggal

baka duduk anang enda bepelasar

tanah ke kamah nya meh tanah ka manah

tanak ke beresi nya meh tanah ti kusi

buah ubi laun digali tinggal pun

buah empasa laun diempa nyadi chelum

benih padi ti berisi ti anyut nyadi pulau

benih kenawang semina murai kerupok

Buah empelam buah empelit

Masam di dalam manis ba kulit